الاطعمة اللي ممكن تاكليها على معدة فاضية واللي تتجنبيها - بنات حوا

11/21 03:31

الزبادي, فنجان القهوة, عصير البرتقان الطازة ، غالبا دي الحاجات اللي معظم الاشخاص بيفكروا فيها كوجبة فطار مثالية ، ولكن لسوء الحظ ، عدد قليل من الناس بس يعرف ان في بعض الاطعمة مش افضل حاجة انك تاكليها على معدة فاضية ، والنهاردة من خلال موضوعنا هنشارك معاكم الاطعمة اللي تاكليها وتتجنيها الصبح على معدة فاضية.

الاطعمة اللي تاكليها وتتجنبيها الصبح:

الاطعمة اللي المفروض تتجنبيها على معدة فاضية:

الاطعمة اللي بتحتوي على الخميرة بتهيج بطانة المعدة وممكن تسبب انتفاخ البطن.

اكل السكر بيعزز مستويات الانسولين ، وده بدوره بيزود الحمل بشكل كبير على البنكرياس اللي بيكون لسه ماشتغلش الصبح ، وده ممكن يأدي لمرض السكر.

3- الزبادي ومنتجات الالبان المخمرة:

لو اكلتي الزبادي على معدة فاضية ، حمض الهيدروكلوريك اللي بيتشكل في المعدة بيقتل بكتيريا حمض اللاكتيك ، وبالتالي اكل المنتجات دي على الفطار مالهاش اي فايدة تذكر للجسم.

الالياف الخام الموجودة في الكمثرى ممكن تأذي الاغشية المخاطية الحساسة للمعدة الفاضية.

الطماطم بتحتوي على مستويات عالية من حمض التانيك اللي بيزود من حموضة المعدة ، وده ممكن يأدي لقرحة المعدة.

الخضار الني هو مصدر غني بالاحماض الامينية ، ولكن مع ذلك ممكن تسبب حرقة المعدة ، انتفاخ البطن ، آلام البطن ، وخصوصا لما تاكليها على معدة فاضية.

لو اكلتي الموز ومعدتك فاضية ده هيأدي لزيادة حادة في كمية المغنيسيوم في الدم وده ممكن يضر قلبك.

الاطعمة الحارة ممكن تسبب ضرر وتهيج للغشاء المخاطي في المعدة ، ويزود من انتاج الحمض في المعدة ، وده هيسبب لحدوث اضطرابات في الجهاز الهضمي.

شرب المشروبات الغازية الصبح على معدة فاضية ممكن يضر الاغشية المخاطية ويقلل من تدفق الدم في المعدة ونتيجة لده هيتم هضم الاكل بشكل ابطأ.

الفواكة الحمضية بتكون غنية بأحماض الفاكهة ، ولما تاكليها على معدة فاضية ، ممكن تسبب حرقة المعدة وتزود من مخاطر التهاب المعدة وحتى كمان قرحة المعدة.

الاطعمة اللي ممكن تاكليها على معدة فاضية:

الشوفان مفيد جدا انه يتاكل الصبح على معدة فاضية لانه بيكون طبقة واقية حوالين بطانة معدتك ، وده بيمنع حمض الهيدروكلوريك من التسبب في تلف جدران المعدة ، كمان الشوفان بيحتوي على الياف قابلة للذوبان ودي مفيدة في خفض مستويات الكوليسترول في الجسم.

الحنطة السودا بتحفز الجهاز الهضمي ، وهي كمان مصدر ممتاز للبروتين والحديد والفيتامينات.

بتساعد على ازالة السموم والمعادن التقيلة من نظامك ، وبيرجع البكتيريا المعوية لطبيعتها ، وهتديكي شعور بالشبع لفترة طويلة.

2 معلقة كبيرة من جنين القمح هتمد الجسم بحوالي 15% من القيمة اليومية الموصي بيها من فيتامين E ، و 10% من القيمة اليومية الموصي بيها من حمض الفوليك ، بالاضافة انه بيساعد في الحفاظ على عمل الجهاز الهضمي بسهولة.