الملكة شاهى فى تحقيقات النيابة عندما دخلت الألعاب الجنسية كسبت كويس -
Michael Green
Published Mar 28, 2026
06/05 07:03
حصل "اليوم السابع" علي تحقيقات النيابة العامة مع "زينب.ع.م" 23 سنه طالبه بكليه التجاره باداره مواقع اباحيه وبيع الالعاب الجنسيه عن طريق الانترنت، الشهيره باسم "الملكه شاهي"، التي اعترفت في اقوالها ببيع الالعاب الجنسيه، لكنها نفت اداره المواقع الاباحيه او إدارة أعمال الدعاره، وعندما واجهتها النيابه بالرسائل والمحادثات اكدت انها خاصه بها.
س: ما اوجه دفاعك وظروف ضبطك؟
ج: اللي حصل اني انا شغاله بقالي حوالي سنه في بيع ملابس لانجيري من خلال صفحه علي الفيس بوك، وكنت باعلن عن منتجاتي علي الصفحه علي الفيس بوك، وكان اسمها زورو لانجيري، وانا كنت بشتري الحاجات دي من محلات في العتبه، ومن حوالي شهر اتصل بي واحد من اصحاب المحلات وعرض علي ان يبيع لي كلاشيهات كنوع من انواع اللعب الزوجيه، فانا اشتريتها وبدات اعلن عنها علي الصفحه بتاعتي، ومن حوالي شهر كلمني واحد اسمه "رامي" علي صفحه الفيس بوك وعرض علي ان يجبلي ادوات جنس ابيعها علي الصفحه بتاعتي فانا وافقت، فبعتلي صور مجموعه من القضيب الذكري اسمها استراب اون، وابتديت اترك اعلانها علي صفحتي، ومن حوالي اربعه ايام قال لي ان هو جاب الحاجه، وقابلته في كافيه في احمد عرابي واداني خمسه قضيب ذكري فانا نزلت اعلان علي الصفحه بتاعتي وكلمني واحد وقالي انه عايز يشتري كل الكميه اللي عندي ومجموعه من اللانجيري والكلاشيهات، واتفقنا ان احنا نتقابل في كافيه الساعه السابعه ونصف مساء، وانا اخدت الحاجه وروحت قعدت وقابلت واحد طلع انه هو ضابط وخرجت معاه علشان ارد علي التليفون لقيتهم مسكوني وودوني علي مجمع التحرير.
س: متي واين حدث ضبطك بالتحديد؟
ج: انا اتمسكت يوم 25/5/2015 حوالي الساعه 8 في كافيه بشارع احمد عرابي بالعجوزه.
ج : اللي مسكني ضابط اسمه تامر سمير وضابط اسمه شريف الهامي.
س: وما هو سبب ضبطك؟
ج: علشان الحاجه اللي كانت معايا.
س: وهل تم اطلاعك علي اذن النيابه العامه؟
س: وما الذي ضبط بحوزتك تحديداً؟
ج: انا اتمسكت معايا شنطه مدرسه "كت" كان فيها عدد 5 قضيب ذكري وعدد 8 كلاشيهات وعدد واحد طقم ممرضه، وطاقم ملابس خادمه، وكان معايا مبلغ 840 جنيها، وعدد 3 تليفونات شخصيه، واحد سامسونج ابيض، ونوكيا احمر في اسود وتابلت.
س: ومن تحديداً الذي قام بضبط تلك الاشياء؟
ج: هو الضابط اللي مسكني هو اللي لقي الحاجه دي معايا.
س: وملك من تلك المضبوطات؟
س: من اين حصلتي علي تلك المضبوطات؟
ج: بالنسبه للكلاشيهات والملابس انا كنت شرياها من العتبه، وبالنسبه للالعاب الجنسيه انا كنت واخدها من واحد اسمه رامي، والفلوس بتاعتي.
س: وما قصدك من احراز تلك المضبوطات؟
ج: انا كان معايا الهدوم والكلاشيهات والالعاب الجنسيه علشان ابيعهم والتليفون للاستخدام الشخصي، اللي بستخدمه للاعلان عن الادوات الي انا ببيعها واتمسكت معايا.
س: هل لديك مستندات تفيد بمصدر تلك المضبوطات؟
ج: الهدوم والكلاشيهات ليهم فواتير والضابط خدهم مني، لكن بالنسبه للالعاب الجنسيه انا، واخداها من رامي ومعرفش جابها منين وهو كان قالي ان حد كان عاملها ليه.
س: ومنذ متي وانت تتاجري في تلك الاشياء؟
ج: انا ببيع لانجري بقالي حوالي سنه والكلاشيهات من حوالي اسبوعين والالعاب الجنسيه دي كانت اول مره.
س: وما هي كيفيه مزوالتك لذلك النشاط؟
ج: انا عامله صفحه علي الفيس بوك اسمها ادوات جنس ولانجري للجميع باعلن فيها عن الحاجات اللي ببيعها وبتواصل مع العملاء عن طريق الصفحه دي واللي بيحتاج حاجه باتفق معاه علي ميعاد ومكان وبقابله واسلمه الحاجه واخد الفلوس.
س: وما هو المقابل المادي الذي تتحصلي عليه مقابل تلك التجاره؟
ج: هي الاسعار بتكون متفاوته حسب المنتج بالنسبه للقضيب الذكري انا كنت هبيع الواحد 650 جنيها، والكلاشيهات بخمسه وسبعون جنيها، وطاقم اللانجيري متوسط مائه جنيه.
س: وما هو مقدار المبالغ الماليه التي قمتي بتحصيلها نظير تلك التجاره؟
ج: انا مبعتش كتير ومبداش تجيلي طلبات غير لما دخلت الادوات الجنسيه ضمن الحاجات اللي باعلن عنها وكسبت تقريبا الف جنيه خلال السنه.
س: وماهي كيفيه الاعلان عن تلك المنتجات؟
ج: انا بنزل صور لانجيري والكلاشيهات والقضيب الذكري علي صفحتي علي فيس بوك من خلال التليفونات بتاعتي.
س: وهل يرتاد تلك الصفحه اشخاص معينين ام متاحه للجمهور؟
ج: هي صفحه عامه للجميع.
س: وهل قام احد بالاطلاع علي تلك الصفحه ومحتواها؟
ج: هو مقدرش احدد اذا كان في حد بيدخل علي الصفحه، ولكن في بعض الطلبات كانت تجيلي بالشراء.
س: وما هو عدد الطلبات التي تلقتيها تحديدا؟
ج: انا كان بيجيلي طلب كل اسبوع او اثنين بالنسبه للانجيري، وبالنسبه للالعاب الجنسيه جاتلي تقريبا اربعه طلبات.
س: وما هي بيانات المدعو "رامي" تحديدا؟
ج: اللي اعرفه ان اسمه "رامي السيد مصطفي" وساكن باكتوبر، وان هو ليه ملف في قسم العجوزه كان معمول له قضايا بيع العاب جنسيه قبل كده.
س: وما هي علاقتك بسالف الذكر؟
ج: انا معرفوش هو مجرد عرض عليا اني ابيع الحاجات دي من خلال صفحتي علي الفيس بوك واتفقنا وقابلني واداني الحاجه من قبل القبض عليا بحوالي اربعه ايام في كافيه سابوري في احمد عرابي.
س: وهل تقومي بالاعلان عن منتجاتك باي وسيله خلاف موقع الفيس بوك؟
س: وما هي علاقتك بالمقدم "تامر سمير" رئيس اداره المكافحه الدوليه لحمايه الاداب؟
ج: معرفوش قبل كده لكن هو ده الضابط اللي مسكني.
س: ما قولك فيما سطره سالف الذكر في محضر التحريات والمؤرخ 25/مايو؟
ج: انا فعلا ببيع الحاجات دي لكن انا بستخدم صفحه علي الفيس بوك وانا معرفش حاجه عن الصفحات الاخري، وانا ماليش علاقه باعمال الدعاره او الشذوذ الجنسى.
ج: هي الشنطه باللي جواها والتليفونات والفلوس بتوعي.
س: وما هي صلتك بالمحادثات المعروضه عليكي والمضبوطه بمعرفه السيد محرر المحضر؟
ج: انا المحادثات بتاعت احمد عزيز انا اللي بعتها لان احنا كنا مخطوبين وفضلنا اصحاب مع بعضنا وبنتكلم، لكن المحادثات الاخيره معرفش عنها حاجه.
س: وما هي صلتك بالصور والمحادثات المضبوطه علي البرامج المختلفه بجهازي التابلت؟
ج: الحاجات دي كلها مش بتاعتي.
س: وما هي صلتك بالمحادثات والصور الموجوده علي الهاتف السامسونج المعروض عليكي؟
ج: الحاجات دي مش بتاعتي ومفيش غير صوره الكلاشيهات والاستربلس اللي انا كنت ببيعهم ورفعاهم علي الموقع، وصور البنات دي صور لانجيري للهدوم اللي ببيعها وحطاها علي الموقع.
س: اذن ما هو تعليلك لوجود تلك المحادثات والصور علي هواتفك؟
س: وما هي صلتك بالرسائل الموجوده علي هاتف نوكيا؟
ج: دي رسايل كنت بعتاها للضابط باسعار الحاجات.
س: وما هي صلتك بالمضبوطات المرفقه بالمحضر والخاصه بصفحتك علي فيس بوك؟
ج: هي دي الصفحه بتاعتي ودي صور واعلانات انا منزلاها عليها.
س: وما قولك وقد قمتي بتوجيه دعوه عامه للفجور حال تلك الصفحه والمدون بها "اذا كنت بنت او سيلف او شيميل هتلاقي كل اللي ممكن تحتاجيه عندنا وهنوصلكوا طلباتكم لاقرب مكان ليكم"؟
ج: انا كتبت كده كنوع من الاعلان لكن انا مغيرتش في طبيعه حد ولا قلت لحد انه يكون كده.
س: هل لديك ثمه سوابق او قضايا مماثله؟
س: وما هو مصدر دخلك ومع من تقيمي تحديدا؟
ج: انا والدي اللي بيصرف علي وانا عايشه معاه هو ووالدتي واخواتي.
