سوهاجيون مش مهم السجاير اوعوا تلعبوا في سعر المعسل

02/24 17:23

اعرب كثير من مدخني الشيشه في سوهاج عن قلقهم من زياده اسعار المعسل في ظل القرار الأخير برفع اسعار السجائر، وبينما قلل كثير من المدخنين في المحافظه الصعيديه من تاثير رفع اسعار السجائر عليهم فقد حذروا من رفع اسعار "المعسل" المستخدم في تدخين الشيشه (النرجيله) باعتبارها خيارهم الاول، بينما لقي القرار قبولا ورضا عند غير المدخنين.

الحاج عبد الفتاح محمد "مزارع" من ابناء المحافظه قال لـ مصر العربية: "انا مش عارف ايه الموضوع؟ حكومتنا فاشله ومش قادره تمشي البلد وما حيلتهاش الا الغلابه.. كل ما تتزنق ترفع الاسعار وكله علي راس الغلابه.. طيب فين التنميه والمشاريع اللي وعدتوا الشعب بيها؟ ولا هو ضحك علي الشعب الغلبان والله العظيم دا حرام اللي بيتعمل فينا، بس لازم يخلوا بالهم.. للصبر حدود "زي ما قالت الست".. وعموما انا وغالبيه الصعايده بنشرب معسل وبحذرهم من ارتفاع سعره وقد اعذر من انذر".

وبدوره قال علي محمود "جزار": السجاير زاد سعرها.. الدولار ارتفع.. مش مهم عندي بس انا بحذر من اللعب في اسعار المعسل؛ لان فيه شريحه كبيره "بتشرب" معسل لانه سعره اقل من السجاير واوفر فيا ريت الحكومه تبعد عن "المعسل" وتسيبهولنا وبلاش حركات رفع الاسعار علي الفاضي والمليان دي......والشعب عرف الاعيب الحكومه وحركاتها البطاله.

ويضيف عمران ابو الريس "عامل": كل حاجه زاد سعره الا الانسان قل سعره عند الحكومه؛ بتزودوا سعر السجاير ليه؟؟ انا كنت بشتري علبه السجائر العاديه بـ 275 قرشا ودلوقت بشتريها ب425 قرشا ومش موجوده في السوق ...طاب ايه النظام يعني؟؟؟ يعني حتي السجائر بترفعوا سعرها؟

ويقول عمر علي "محاسب": بصراحه اصبحت الامور والقرارات غير مدروسه بالمره والناظر الي تلك القرارات لا يستنتج الا ان الحكومه الحاليه نظرتها قاصره ومتخبطه وليس لديها الا الفقراء الذين تحاربهم وتملا خزائن الدوله من جيبه وبالتالي الفقير في هذه البلد يزداد فقرا والغني يزداد غنا واحذر من تفاقم الامور فهناك شريحه كبيره من الشعب المصري ناقم وساخط من ذلك.

وفي نبره كلها سخريه واستهزاء يقول الريس مهران الراعي "مقاول" :"مش قادرين علي الدولار بيزودوا الاسعار علي الغلابه".

وفي المقابل لقي قرار زياده اسعار السجائر بجميع انواعها قبولا ورضا عند بعض المواطنين غير المدخنين حيث قال جابر حسن "عامل": انا مع هذا القرار ويا ريت الحكومه تكمل تلك الخطوه وترفع اسعار السجائر والخمور كمان بنسبه 100% المهم تبقي السلع الضروريه التي لا يؤثر ارتفاع اسعارها علي الغلابه مثل اللحوم والدقيق والالبان وغير ذلك، اما السجائر.. مش مهم.

وكان الرئيس عبد الفتاح السيسى اصدر قرارًا امس بتعديل بعض احكام قانون الضريبه العامه علي المبيعات، حيث يقضي التعديل بزياده قيمه الضريبه المفروضه علي السجائر.

ويقضي القرار بفرض ضريبه قيمتها 50% من سعر البيع للمستهلك بالنسبه للسجائر المستورده والمحليه، الي جانب 225 قرشًا للعبوه التي لا يزيد سعر البيع النهائي للمستهلك علي 10 جنيهات، و325 قرشًا للعبوه التي يزيد سعر البيع النهائي للمستهلك علي 10 جنيهات وحتي 16 جنيهًا، و425 قرشًا للعبوه التي لا يزيد سعر البيع النهائي للمستهلك علي 16 جنيهاً.

بالاسماء.. 233 مرشحا للانتخابات البرلمانيه بسوهاج

قبول 233 مرشحًا للبرلمان بسوهاج واستبعاد 7 متقدمين

2000 كتاب و50 دار نشر بمعرض الكتاب الاول بسوهاج

"ازمه البوتاجاز" تطيح برئيس حي الكوثر بسوهاج

ناهد عشري تعلن عن انتهاء مشكله عمال بيبسي سوهاج